Бұл туралы Үкіметтің баспасөз қызметі мәлім етті.
Президент Жолдауын жүзеге асыру жөніндегі шаралар қаралған Үкімет отырысында Премьер-министр үш күн мерзімде елімізге инвестиция тартуға жауапты бір мемлекеттік органды бекіту жөнінде тапсырма берді, деп хабарлайды inbusiness.kz сайты.
"Президент инвестиция тарту мәселесі бірнеше мемлекеттік органдардың қарауында екендігіне назар аударды.
Ұлттық экономика министрлігіне Сыртқы істер министрлігімен бірлесіп үш күн мерзімде тиісті өзгерістер енгізе отырып осы бағыт үшін бір жауапты мемлекеттік органды бекіту жөнінде ұсыныстар енгізсін", — деп тапсырды Олжас Бектенов.
