Астанада шаруашылық ғимараты өртеніп, екі қабатты үйге таралуға шақ қалды. Өрт сөндірушілер мұның алдын алды, деп хабарлайды Төтенше жағдайлар министрлігіне сілтеме жасаған KAZ.NUR.KZ.
Төтенше жағдайлар министрлігінің Telegram-арнасы ұсынған мәліметке сәйкес, Сарыарқа ауданындағы Болашақ көшесінде екі қабатты ғимаратқа жапсарлас салынған шаруашылық ғимараты өртке оранды.
"Жедел жеткен құтқарушылар өрттің ғимаратқа таралуына жол бермей, өртті тез арада сөндірді. Өрт алаңы 120 шаршы метрді құрады. Зардап шеккендер жоқ, өрт себебі анықталып жатыр" — делінген Төтенше жағдайлар министрлігінің ресми хабарламасында.
Еске салсақ, бұған дейін Шымкентте полицейлер жанармай бекетіндегі қайғылы жағдайдың алдын алып, автожанармай бекеті аумағынан өрт шығып жатқаны туралы өрт сөндірушілерге хабар бергені туралы жазған едік.
Сондай-ақ Абай облысында Алакөл көлінің жағалауындағы демалыс үйінен өрт шыққаны туралы жазған болатынбыз.
Мәтіннен қате тапсаңыз, бізге жазыңыз
