ҚР Президенті Қ.Тоқаев Қазақстан Халқына Жолдауында “Жалпы Торғай аймағының әлеуметтік-экономикалық дамуы үкіметтің айрықша назарында болуы керек !”-деді.
Қазір ел елеңдеп күтіп отырған “Орталық-Батыс” күре жолы жобасы туралы біз биыл депутаттардың жазғы ел аралауында Қостанай-Торғай өңіріне барған іссапарымыздан көлемді сапарнама жазғанда көтердік. Ол “Қазақ үні” газеті мен Qazaquni.kz ұлттық порталында және фейсбук парақшаларда жарияланды.
Мемлекет басшысы Ұлттық Құрылтайда жалпақ жұртқа жариялаған бұл маңызы зор мәселе туралы көлденеңнен қосылғандар көп әңгіме шығарып, созылып бара жатқасын кеше “ТОРҒАЙДА ТОЛҒАНДЫРАР МӘСЕЛЕ КӨП” атты осы мақаламыздан “ОРТАЛЫҚ-БАТЫС” КҮРЕ ЖОЛЫ ҚАШАН БАСТАЛАДЫ?!.” атты тарауын тағы да жарияладық. Онда “Торғай өңірінің дамуы туралы түйінді сөз ертең болатын Президент Жолдауында да айтылып, нүктесі қойылар деп сенеміз.”-деген едік, үмітіміз ақталды.
Енді міне, Мемлекет басшысының бүгінгі Жолдаудағы түйінді сөзі “Орталық-Батыс” күре жолына Ақ жол ашып, көлденеңнен қосылғандар шығарған дауға нүкте қойды деп білеміз.
Енді тек Үкімет іске кірісуі керек!
Елдің зор үміті “Орталық-Батыс” күре жолына Ақ жол!
Қазыбек ИСА,
ҚР Парламенті Мәжілісінің депутаты
