Президент Қасым-Жомарт Тоқаев халыққа жолдауында елде заңсыз активтерді қайтару комитетін қайта құруды ұсынды. Енді ол Инвесторлардың құқықтарын қорғау комитеті деп аталмақ , деп хабарлайды Skifnews.kz ақпарат порталы.
Мемлекет басшысы атап өткендей, бұл өзгеріс бизнеске қолайлы жағдай жасап, инвесторлардың мүддесін қорғауға бағытталған. Сонымен бірге, ол бұған дейінгі жұмыстардың нәтижесіне тоқталды: активтерді басқару компаниясының жұмысы барысында қазынаға шамамен 850 млрд теңге қайтарылғанын еске салды.
Президенттің айтуынша, мұндай реформалар әділдік пен ашықтықты арттырып, ел экономикасына сенімді күшейтуге тиіс.
Айта кетейік, бұған дейін Антикор 2022 жылдан бері халықаралық іздеуде жүрген күдіктінің қаржы жымқыруға қатысы барын дәлелдейтін айғақтар тапқан еді. Тергеу нәтижесінде 2,3 млрд теңгенің мүлкі тәркіленді.
