Алғаш рет World boxing ұйымдастыруымен өтіп жатқан әлем чемпионатында 20 қазақстандық былғары қолғап шебері ел намысын қорғауда.
Ливерпульде өтіп жатқан жаһандық додада 2023 жылғы әлем чемпионы, 55 келіде шаршы алаңға шыққан Махмұд Сабырхан мексикалық Брайан Ортисті еш қиындықсыз жеңді. Есеп — 5:0. Келесі кезеңдегі қарсылас Украина-Косово кездесуінде анықталады.
Ал, Париж-2024 Олимпиадасының күміс жүлдегері 80 келіде Нұрбек Оралбай украиналық Матви Ражбаны 5:0 есебімен жеңді. Келесі қарсылас Қытай-Мексика кездесуінде анықталады.
Сондай-ақ бүгін 21:55-те кешкі сессияда Карина Ибрагимова (57 кг, 1/8 финал) Элиз Глиннмен, Наталья Богданова (70 кг, 1/8 финал) үндістандық Санамача Чану Зочоммен, ал Ертуған Зейнулинов (65 кг, 1/16 финал) франциялық Хуго Граумен сынға түседі.
