"Қазгидромет" РМК 6 қыркүйекке арналған ауа райы болжамын ұсынды. Сенбіде еліміздің басым бөлігінде қолайсыз ауа райы тіркеледі, деп хабарлайды KAZ.NUR.KZ.
Қазақстанның бірқатар өңірінде найзағай ойнап, бұршақ түсіп, дауыл тұрып күн райы бұзылатыны болжанады.
Еліміздің басым бөлігі циклон мен онымен байланысты атмосфералық фронтальды бөліктердің ықпалында болады: найзағай ойнап, жаңбыр жауады, еліміздің солтүстік-батысында бұршақ түсіп, дауыл болуы мүмкін. Республика бойынша ортақ табиғи құбылыс — желдің екпін алуы, оңтүстікте шаңды дауыл тұрады, солтүстік пен шығыста түнде және таңертең тұман болады деп күтіледі.
Оған қоса мынандай қауіпті табиғи құбылыстар күтіледі:
- өрт қаупі жоғары – Алматы, Ақтөбе, Ұлытау, Жетісу облыстарында, Қарағанды облысының батысында, солтүстігінде, Ақмола облысының батысында, оңтүстігінде, орталығында, Батыс Қазақстан облысының солтүстігінде, оңтүстігінде, шығысында, Атырау облысының батысында, Қостанай, Шығыс Қазақстан облыстарының оңтүстігінде;
- төтенше өрт қаупі – Түркістан, Қызылорда, Маңғыстау, Атырау Жамбыл облыстарында, Батыс Қазақстан облысының батысында, Алматы облысының батысында, солтүстігінде, оңтүстігінде, Жетісу өңірінің шығысында, оңтүстігінде, Қостанай облысының оңтүстік-батысында, Қарағанды облысының оңтүстігінде, Ақтөбе облысының шығысында, орталығында, Ұлытау облысының шығысында.
Мәтіннен қате тапсаңыз, бізге жазыңыз
