Қазақстан Республикасының Қаржы нарығын реттеу және дамыту агенттігі 2025 жылғы 5 қыркүйек пен 4 қазан аралығында кадр резервіне қабылдау үшін іріктеу өткізілетінін хабарлады.
Агенттік мәліметінше, негізгі талаптардың қатарында тиісті жоғары білім, кәсіби біліктілік пен халықаралық сертификаттардың болуы бар. Әсіресе, шетелдік жоғары оқу орындарының түлектеріне, Ұлттық Банк бағдарламасы бойынша магистратурадан өткен мамандарға, сондай-ақ FRM, CFA, ACCA сияқты халықаралық сертификат иелеріне басымдық беріледі.
Сонымен қатар, IELTS (6.0-ден төмен емес), TOEFL IBT (80-нен жоғары), TCF, CILS немесе HSK тілдік сертификаттары бар және салада кемінде бір жарым жыл еңбек өтілі бар үміткерлерге артықшылық жасалмақ.
Фотосуреті бар түйіндемелер электронды түрде Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс. поштасына қабылданады. Үлгілік нысан Агенттіктің сайтында ұсынылған. Құжат қабылдау аяқталған соң 5 жұмыс күні ішінде кадр қызметі үміткерлердің тізімін қалыптастырады.
Әңгімелесу кезеңі осы тізім жасалған күннен бастап 10 жұмыс күні ішінде өтеді. Комиссия мүшелерінің көпшілігі қолдаған жағдайда үміткер кадр резервіне қабылданады. Ал түпкілікті тізім комиссия шешімі шыққаннан кейін 7 жұмыс күні ішінде Агенттіктің ресми сайтында жарияланатын болады.
