Мемлекет басшысы Астана қаласының әкімі Жеңіс Қасымбекті қабылдады, деп жазады inbusiness.kz сайты.
Президентке елорданың әлеуметтік-экономикалық және инфрақұрылымдық дамуы туралы есеп берілді.
Әкімнің айтуынша:
Негізгі капиталға салынған инвестиция көлемі 7 айда 1,2 трлн теңгеге жетті (өткен жылмен салыстырғанда 42,1% жоғары).
55 инвестициялық жоба іске асырылып, 3,6 мың жаңа жұмыс орны ашылады.
"Келешек мектептері" ұлттық жобасы аясында 7 жаңа мектеп пайдалануға берілді, жыл соңына дейін барлығы 15 мектеп ашылады.
4716 студентке арналған 8 жатақхана салынады.
170 аула мен қоғамдық кеңістік абаттандырылып, 1 млн-нан аса жасыл желек отырғызылады.
Жылыту қуаты 30%-ға артып, қосымша 1100 Гкал/сағат өндіріле бастады.
Президент тұрғын үй-коммуналдық шаруашылығын, әлеуметтік нысандарды жылыту маусымына дайындауды, кәріз жүйесін реттеуді және жол-көлік инфрақұрылымын дамытуға қатысты тапсырмалар берді.
