Дәрігерлердің айтуынша, қазір 17 жастағы қыздардың хәлі «орташа ауыр» деп бағалануда, деп хабарлайды 24kz.
Екеуі де Балаларға шұғыл медициналық көмек көрсету орталығының нейрохирургия бөлімінде ем қабылдап жатыр. Алғашында олар жансақтау және қарқынды терапия бөлімінде жатқан.
Еске салайық, жол апаты 3 қыркүйекте болды. Мақатаев көшесінде жаяу жүргіншілер өткелінен самокатпен өте шықпақшы болған бойжеткендерді автобус соққан еді. Салдарынан олар ауыр жарақат алып, бас-ми шайқалуына және ми соққысына ұшыраған. Дәрігерлердің айтуынша, жарақаттарынан айыққан соң үйлеріне қайтарылады.
