Жәбірленушінің заңды өкілі кешірім бермеді.
Жамбыл облысында туған қызына азғындық жасаған әке өмір бойына бас бостандығынан айырылды, деп хабарлады 31 арнаның Информбюро ақпараттық бағдарламасы.
Сорақы жағдай сәуір айында Қордай ауданында болған. Алты жасар қызына сексуалдық сипаттағы зорлық-зомбылық әрекетін жасаған азамат мас күйде болған екен.
Айтуға ауыз бармайтын іс ауданаралық сотта жабық жағдайда өтті. Сұмдық оқиғаны нақты айғақтар мен сараптама қорытындысы растаған. Сотталушы өз кінәсін толық мойындапты. Одан моральдық шығын ретінде 5 миллион теңге өндіруге міндеттелді.
Жәбірленушінің заңды өкілі кешірім бермеді. Ал судья прокурор сұраған жазаны тағайындады.
