Өзбекстан сенаторлары сотталғандарға бас бостандығынан айыру мерзімін қысқарту мүмкіндігін беретін заңды мақұлдады, деп хабарлайды заң шығарушы органның сайтына сілтеме жасаған KAZ.NUR.KZ.
Ел сенатының баспасөз қызметінің мәліметінше, мақұлданған заң Өзбекстан Республикасының Қылмыстық, Қылмыстық-процессуалдық және Қылмыстық-атқару кодекстеріне сотталғандардың түзелу жолына түсуіне байланысты олардың жазасын өтеу мерзімін қысқартуды көздейтін өзгерістер мен толықтырулар енгізеді.
"Егер сотталған адам рухани-адамгершілік құндылықтарды қалыптастыруға бағытталған, Республикалық рухани-ағарту орталығы бекіткен әдебиеттер тізімінен сотталғандарға кітаптарды оқыса және аталған кітаптарды оқу фактісін Комиссияның қорытындысы бойынша растаса, әрбір оқылған кітап үшін жазаны өтеу мерзімі үш тәулікке қысқартылуы мүмкін екені бірақ бір жылда 30 күннен аспайды деп белгіленді", — делінген сайтта.
Алайда бұл норманың шартты түрде мерзімінен бұрын босатуға құқығы бар адамдарға (өмір бойы бас бостандығынан айыруға сотталғандарды қоспағанда) ғана қолданылатыны баса айтылған.
Деректерге сәйкес, бұл өзгерістер ҚАЖ мекемелерінде жазасын өтеп жатқан 13,5 мыңнан астам сотталушыға қатысты болуы мүмкін.
Мәтіннен қате тапсаңыз, бізге жазыңыз
