Алмалы аудандық прокуратурасы Алматыдағы Мемлекеттік кірістер департаментіне тиесілі әкімшілік ғимараттың бір бөлігі заңсыз жекеменшікке өтіп кеткенін анықтады.
Жалпы аумағы 486 шаршы метр болатын нысан 2006 жылы төмендетілген бағамен "БибиДана" ЖШС-ге сатылған. Кейін компания мүлікті "Саяхат" әуе компаниясы" АҚ-ға өтеусіз берген.
Прокуратура мәмілені жарамсыз деп тану жөнінде сотқа талап-арыз түсіріп, ол толықтай қанағаттандырылды. Қазіргі таңда ғимарат мемлекет меншігіне қайтарылды. Алматы қаласының Мемлекеттік мүлік және жекешелендіру департаменті нысанға бағалау жұмыстарын жүргізіп жатыр.
