Бұл ақпаратты Қазақстан қаржыгерлер қауымдастығы таратты .
Kaspi Bank, Forte Bank, Еуразиялық банк және Jusan bank (қазіргі атауы – Alatau City Bank) прокуратура органдарынан ресми хабарлама алмағанын мәлімдеді, деп жазады inbusiness.kz сайты.
"Қазіргі уақытта банктерге бұрынғы немесе қазіргі қызметкерлерінің осы қылмыстық іске қатысы бар екендігі жөнінде фактілер белгісіз. Сондықтан біз прокуратураға ресми түрде ақпарат алу үшін жүгінеміз", – делінген бірлескен мәлімдемеде.
Сонымен қатар қаржы институттары ресми құжаттар арқылы расталған ақпарат түскен жағдайда құқық қорғау органдарына тергеу барысында қолдау көрсетуге дайын екендіктерін айтты.
2 қыркүйекте Ақмола облысының прокуратурасы Kaspi Bank, Forte Bank, Еуразиялық банк және Jusan bank қызметкерлері ұсталған болуы мүмкін деген ақпарат таратқан еді.
Прокуратураның баспасөз қызметі ұйымдасқан қылмыстық топ әлеуметтік осал топтағы азаматтарды ұрлап, олардың атына ірі көлемде несие рәсімдегенін хабарлаған болатын.
