"Қазгидромет" РМК-сы қыркүйектің 4-і күнгі күн райы болжамын жариялады, деп хабарлайды inbusiness.kz сайты.
Кәсіпорынның деректеріне қарағанда, қыркүйек күні Қазақстанның басым бөлігі солтүстік-батыс циклон және сонымен байланысты атмосфералық ағындардың ықпалында болып, елдіңбасым бөлігінде найзағай ойнап, жаңбыр жауады, еліміздің батысында, оңтүстік-батысында қатты жаңбыр, солтүстікте, оңтүстік-батыста, батыста бұршақ жауып, дауыл болуы ықтимал.
Тек оңтүстікте, оңтүстік-шығыста күн көбіне жауын-шашынсыз болады. Республика бойынша жел күшейіп, оңтүстікте шаңды дауыл тұрады, еліміздің солтүстігінде, шығысында, батысында, орталығында түнгі және таңертеңгі сағаттарда тұман түседі.
Түнде Қарағанды облысының солтүстігінде, шығысында топырақ бетінде 2 градус үсік жүреді.
Алматы, Ақтөбе, Ұлытау, Жетісу, облыстарында, Қарағанды облысының батысында, солтүстігінде, Ақмола облысының батысында, оңтүстігінде, орталығында, Батыс Қазақстан облысының солтүстігінде, оңтүстігінде, шығысында, Атырау облысының солтүстігінде, батысында, орталығында, Қостанай облысының батысында, Шығыс Қазақстан облысының оңтүстігінде жоғары өрт қаупі сақталады.
Түркістан, Қызылорда, Маңғыстау, Жамбыл облыстарында, Батыс Қазақстан облысының батысында, Алматы облысының батысында, солтүстігінде, оңтүстігінде, Атырау, Жетісу облыстарының шығысында, оңтүстігінде, Қостанай, Қарағанды, Ақтөбе облыстарының оңтүстігінде, Ұлытау облысының шығысында төтенше өрт қаупі күтіледі.
