Мәжілістің жалпы отырысы өтті.
Мәжіліс депутаты Самат Мұсабаев көші-қон тәртібіне қатысты мәселе көтерді, деп хабарлайды inbusiness.kz сайты.
"Қазақстан азаматтары визасыз режимге қарамастан, Грузия немесе ҚХР сияқты мемлекеттерге барған кезде міндетті түрде қонақ үйлер мен ресми тіркелген отельдерде орналасуы талап етіледі немесе кіргізуге негізсіз бас тарту мен оларды кері қайтару да орын алуда. Біздің елге келген Қытай азаматтарының басым бөлігі пәтерлерге қоныстанып, кейде екі бөлмелі пәтерге ондаған адамнан жайғасатыны жөнінде деректер бар. Бұл – қауіпсіздік пен көші-қон тәртібіне қатысты тікелей мәселе. ІІМ мен СІМ осыны қалай қадағалап отыр? Біз туризм дамытуымыз керек пе әлде бақылаусыз көші-қонға жол береміз бе? Шын мәнінде, біз есікті айқара ашып қойған жоқпыз ба?", – деп сұрады депутат Самат Мұсабаев.
Ішкі істер министрі Ержан Сәденов бұл ұлттық қауіпсіздік мәселесі екенін жасырмады.
"Грузияны айтып кеттіңіз, бұл жерде Сыртқы істер министрлімен бірігіп жұмыс жасаймыз. Біз консультациялар береміз. Жұмыс топтарында осындай жұмыстарды істейміз", – деді ведомство басшысы.
