Мәжілісмен комитет құрамына сайланды.
Мәжілістің жаңа депутаты Олжас Нұралдинов палатаның жалпы отырысында ант берді, деп хабарлайды inbusiness.kz сайты.
Депутат "Ақ жол" Қазақстанның демократиялық партиясының" мүшесі. Жақында ол Мәжіліс депутаты ретінде тіркеліп, оған тиісті куәлік берілген болатын.
"Қазақстан халқына адал қызмет етуге, Қазақстанның тұтастығы мен тәуелсіздігін нығайтуға, оның Конституциясы мен заңдарына қатаң бағынуға, депутат ретінде өзіме жүктелген мәртебелі міндеттерін адал атқаруға ант етемін", – деді Олжас Нұралдинов.
Ол Қаржы және бюджет комитетінің құрамына сайланды.
