Қырғызстанның альпинизм және спорттық құзға өрмелеу федерациясының президенті Эдуард Кубатов ресейлік альпинист Наталья Наговицына қаза тапқанын растады.
Бұл туралы ол Instagram парақшасында жазды, деп хабарлайды inbusiness.kz сайты.
Эдуард Кубатов Наталья Наговицына болған "Құс" жартасы маңындағы жағдайды дронмен түсірілген бейнекадрлар арқылы көрсетті. Түсірілім 2 қыркүйекте "Жеңіс шыңы" етегіндегі "Оңтүстік Энилчек" базалық лагерінен жасалған.
– Өкінішке қарай, Наталья Наговицынадан өмір белгілері байқалмайды. Құтқару жұмыстары толық тоқтатылды. Бейнематериалдар оның ұлына беріледі, – деді ол.
Оның айтуынша, қырғыз тарапы альпинистті құтқару үшін бар күшін салғанымен, биіктіктің тым жоғары болуы, ауа райының қолайсыздығы және тікұшақтың қонуына мүмкіндік болмауы нәтиже бермеген.
– "Жеңіс шыңы" тарихында 7200 метр биіктікте ешқашан сәтті құтқару операциясы болған емес. Сондықтан құтқарушылардың өмірін қатерге тігуге қақымыз жоқ еді, – деді Эдуард Кубатов.
