Ресейде 1 қыркүйектен бастап күшіне енген жаңа заң бойынша өндірушілер гаджеттерге RuStore дүкені мен Max мессенджері сияқты отандық қосымшаларды алдын ала орнатуды және оларды еркін жаңартуды қамтамасыз етуі тиіс.
Алайда Apple бұл талапты орындамағандықтан, iPhone смартфондары "кемшілігі бар тауар" деген белгімен сатылуда. Сатып алушылар арнайы құжатқа қол қояды, деп жазады inbusiness.kz сайты.
Онда құрылғыда RuStore дүкенін орнату мүмкін емес екені көрсетіліп, сатып алушы осы кемшілікпен келісетінін және талап қоймайтынын растайды.
Ал Samsung, Xiaomi, Honor, Huawei және басқа да қытайлық өндірушілер заң талабына сәйкес өз құрылғыларына ресейлік қосымшаларды алдын ала орнатуға дайын.
