Ақмола облысында алаяқтық ісі бойынша тергеу аяқталды.
Ақмола облысының прокурорлары әлеуметтік тұрғыдан осал азаматтарды ұрлап, олардың атына ірі банктік несиелер рәсімдеумен айналысқан ұйымдасқан қылмыстық топқа қатысты қылмыстық істің тергеуін аяқтады, деп жазады inbusiness.kz сайты.
25 адамнан құралған ұйымдасқан қылмыстық топ еліміздің әр өңірінде отырып несие рәсімдеген. Олардың арасында Қаржы нарығын реттеу және дамыту агенттігінің орталық аппаратының қызметкері, сондай-ақ бірқатар банктердің ("Kaspi Bank", "ForteBank", "Еуразиялық Банк", "Jusan bank") қызметкерлері болған.
Олардың қатысуымен 5 жылдан астам уақыт бойы алаяқтық әрекеттер жасалған.
Зардап шеккен азаматтардың саны – 348. Ал, келтірілген шығын көлемі 3,7 млрд теңгені құрады.
Тергеу барысында қылмыстық жолмен табылған мүліктер анықталды: Алматы қаласындағы пәтерлермен жер телімдері, қымбат автокөліктер, ірі көлемдегі қолма-қол ақша. Тәркіленгеннің жалпы құны – 2,7 млрд теңге.
Топтың барлық қатысушылары ұсталып, уақытша ұстау изоляторына қамалды.
Қазіргі таңда қылмыстық іс процесс қатысушыларына танысуға берілді, түпкілікті шешімді сот шығарады.
Өзге ақпараттар ҚР ҚПК-нің 201-бабының 1-бөлігіне сәйкес жариялауға жатпайды.
