АҚШ-тың Висконсин штатында 2024 жылы із-түзсіз жоғалған 45 жастағы Райан Боргвардт бірнеше айға созылған іздестіру жұмыстарының соңында тірі екені белгілі болды, деп хабарлайды inbusiness.kz сайты "Лента.ру" басылымына сілтеме жасап.
Ол көлде қаза тапқандай әсер қалдырып, шын мәнінде шетелге қашып кеткен.
Бастапқыда полицейлер оның қайықпен батып кеткеніне сенген. Көлден аударылған каяк, құтқару жилеті және жеке заттары табылып, іздестіру жұмыстары ұзақ уақыт жүргізілді. Алайда тергеу барысында ер адамның жоғалуы алдын ала жоспарланғаны анықталды: ол жаңа паспорт рәсімдеп, шетелдік банкке ақша аударған, сақтандыру алған және электронды поштасын өзгерткен.
Кейіннен Боргвардт полицияға бейнеүндеу жолдап, тірі екенін растады. Ол "жеке мәселелерге" байланысты отбасынан кетуге мәжбүр болғанын айтты. Қазіргі таңда ол Грузияда өзбекстандық әйелмен бірге тұрып жатқан.
Жергілікті прокурор оның тергеуге көмектескенін және кінәсін мойындағанын ескеріп, жеңіл жаза қолдануды сұрады. Алайда сот іздеу жұмыстарына кеткен үлкен ресурстарды назарға алып, Боргвардтты 89 күнге бас бостандығынан айырды.
Бұл оқиға АҚШ-та үлкен резонанс тудырды. Себебі бірнеше ай бойы оны іздеген туыстары мен билік өкілдері қайғылы жағдай болды деп сенген еді.
