31 тамызда әлемнің 24-ракеткасы Александр Бублик пен АТР рейтингінде 14-орында тұрған америкалық Томми Пол US Open турнирінің үшінші кезеңінде кездесті, деп хабарлайды Zakon.kz.
Қазақстандық теннисші тартысты ойында қарсыласын 7:6, 6:7, 6:3, 6:7, 6:1 есебімен ұтып, өз карьерасында алғаш рет АҚШ ашық чемпионатының төртінші кезеңіне жолдама алды.
Матч 3 сағат 40 минутқа созылды.
Бұған дейін қос спортшы үш мәрте кортта жолығып, үшеуінде де америкалық жеңіске жеткен еді.
Бублик төртінші кезеңде әлемнің бірінші ракеткасы, италиялық Янник Синнермен кездеседі.
