Нью-Йоркте теннистен АҚШ ашық чемпионатының жекелей сындарындағы үшінші айналым матчтары басталды. Сол жарыстың алғашқы күнінде қазақстандық Елена Рыбакина ұлыбританиялық Эмма Радукануды айқын басымдықпен жеңді, деп хабарлайды Zakon.kz.
Қазақстандық теннисші үшін әлемнің 36-ракеткасы әрі 2021 жылғы US Open чемпионына қарсы матч сәтті өтті.
Рыбакина қарсыласын небәрі 1 сағат 2 минут ішінде тізе бүктірді. Есеп — 6:1, 6:2.
Осы жеңістің арқасында жарыстың тоғызыншы нөмірлі ракеткасы әйелдер арасындағы жекелей сында төртінші айналымға өтті.
Ол келесі кезеңде чехиялық Маркета Вондроушова мен италиялық Жасмин Паолини арасындағы кездесудің жеңімпазымен ойнайды.
