Оқиға тікелей эфирде көрсетілген.
Мексика парламентінде депутаттар төбелесіп қалды, деп хабарлайды inbusiness.kz сайты.
Оқиға 27 тамыз күні болған. Жанжал Мексикада шетелдік әскердің орналасуы туралы пікірталас кезінде оппозициялық партия коалициясына сөз берілмегеннен туындаған.
Белгілі болғандай, оппозициялық Институционалды-революциялық партияның жетекшісі Алехандро Морено әнұран орындалып жатқан кезде Сенат төрағасы, билеуші партияның өкілі Херардо Фернандес Норонаның жанына барып, онымен қақтығысқа түскен. Морено жолда фотографты да қағып кеткен.
Бұл оқиға ұлттық телеарнаның тікелей эфирінде көрсетілген. Парламент депутаттары әріптесінің бұл әрекеті үшін шағым түсіріп, мемлекеттік рәміздерге құрметсіздік танытқаны үшін оны депутаттық мандатынан айыруды талап етуі мүмкін.
