Мексикада сәрсенбі күні Сенат отырысынан кейін, ұлттық гимн орындалып жатқан сәтте төбелес болған, деп хабарлайды Egemen.kz.
Оппозициялық PRI партиясының президенті, сенатор Алехандро Морено билеуші Морена партиясынан сайланған Сенат төрағасы Херардо Фернандес Норонаның қолынан ұстап, артынша жанжал туындаған.
Морено әлеуметтік желіде қақтығыстың себебін түсіндіріп, билеуші партия оппозицияға сөз бермеу үшін күн тәртібін өзгерткенін айтқан. Оның сөзінше, алдымен Норона өзі итеріп, күш қолданған.
Ал Сенат төрағасы керісінше оппозицияны айыптап, Морено оған өлтіремін деп қоқан-лоқы жасағанын мәлімдеген. Сондай-ақ ол Морено мен төбелеске қатысқан басқа да оппозиция өкілдерін Сенаттан шығару туралы бастама көтеретінін жеткізген.
Естеріңізге сала кетейік, бұған дейін Сербияда да осындай жағдай тіркелген. Халық скупщинасының отырысында оппозиция депутаттары сессияны бұзбақ болып, төбелес ұйымдастырып, пиротехникалық құралдар қолданған еді.
