Қазір қалада жылыту маусымына дайындық қызу жүріп жатыр.
Жылу жүйлерінің жартысынан астамының тозығы жеткен, деп жазады inbusiness.kz сайты Ұлттық арнаға сілтеме жасап.
Көпқабатты үйлер мен әлеуметтік нысандарға жылу жеткізетін құбырлардың жалпы ұзындығы 800 шақырымнан асады. Жөндеу жұмыстарына қазынадан 743 миллион теңге бөлінген. Бұл қаржыға бүгінде 27 қазандық пен 17 сорғы стансасы жөнделіп жатыр.
Қала әкімдігінің мәліметінше, әзірге мегаполистегі көпқабатты үйлердің 69, әлеуметтік мекемелердің 97 пайызы қысқа әзір. Ал жылу орталықтарына берешек абоненттердің қарызын энергетикетер әлі толық өндіре алмай отыр. Сол себепті мекеме өкілдері сотқа жүгінуге мәжбүр.
Биыл қыста шаһар тұрғындары жылу үшін былтырғыдан 25 пайыз, яғни тұтынған 1 гигакалория үшін 1 мың 800 теңге артық төлейтін болады. Мамандар жылу бағасының көтерілуіне табиғи газдың қымбаттауы себеп екенін айтты.
