Шымкенттегі ауруханалардың бірінде франциялық боксшыға шұғыл ота жасалды, деп хабарлайды қалалық денсаулық сақтау басқарамасына сілтеме жасаған KAZ.NUR.KZ.
Ведомствоның мәліметінше, Франция азаматы, кәсіби боксшы Клаус Демери жарыс кезінде жарақат алып, Шымкент қалалық №1 клиникалық ауруханасына жеткізілген.
Оған:
- жабық сыртқы мұрын сүйектерінің сынығы;
- сол жақ гаймор қуысының орбиталық қабырғасының ығысқан сынуы;
- көз алмасының жұмсақ тіндерінің гаймор қуысына түсуімен қатар жүретін жарақат диагнозы қойылған.
Боксшы шұғыл түрде ЛОР бөлімшесіне жатқызылып, сүйек сынықтарын репозициялау және эндоскопиялық баллонопластика отасы жасалған.
Ота сәтті өтіп, пациент бесінші тәулікте ауруханадан шығарылған.
Клаус Демери өзіне дер кезінде көмек көрсеткен медицина қызметкерлеріне алғысын айтты.
Посмотреть эту публикацию в Instagram
Публикация от Шымкент Қаласының Денсаулық Басқармасы (@gorzdravshymkent)
Мәтіннен қате тапсаңыз, бізге жазыңыз
