Кеше, 28 тамызда Алматыдағы Есентай өзеніндегі судың түсі қоңыр-қызыл болып өзгерді. Желіде алматылықтар өзеннің фото-видеоларын жариялап, оған алаңдаушылық білдірді, деп хабарлайды KAZ.NUR.KZ.
Алматы қаласы мәслихатының депутаты Тимур Елеусізов су түсінің өзгеруіне қатысты пікір білдірді. Ол Instagram желісінде видео жариялады.
"Бір аптадан бері жаңбыр жауған жоқ, бірақ өзен тағы да қызыл-қоңыр тұнбаға айналды. Бұл табиғи құбылыс емес, бұл – суды улап, қала экологиясын құртып жатқан кәсіпорындардан төгілген ағын су", — деп жазды Елеусізов.
Алматы қаласы Экология департаменті NUR.KZ сауалына қысқаша жауап берді. ондағылардың айтуынша, кеше су сынамалары алынған, нәтижесі қосымша хабарланады.
Мәтіннен қате тапсаңыз, бізге жазыңыз
