«Реал Мадрид» Алматыға келеді

Монако қаласында УЕФА Чемпиондар лигасының жеребе тарту рәсімі өтіп, «Қайрат» клубының алдағы қарсыластары анықталды .

Оның нәтижесінде испаниядық «Реал Мадрид» сырт алаңда, яғни, Алматы қаласында Рафаэль Уразбахтин шәкірттерімен кездесетін болды. Бұдан бөлек, Алматыдағы орталық стадионға бельгиялық «Брюгге», грекиялық «Олимпиакос» және кипрлік «Пафос» командалары келеді. Бұған қоса, «Қайрат» сырт алаңда «Интер», «Арсенал», «Спортинг» және «Копенгаген клубтарымен кездеседі. Яғни топтық кезең аясында 4 матч өз алаңында, 4 матч сырт алаңда өткізеді. Әзірге ойындардың нақты уақыты белгісіз. Белгілісі алғашқы тур 16 және 18 қыркүйек аралығында болады. Айта кетейік, биыл «Қайрат» тарихи нәтиже тіркеді. Яғни алғаш рет УЕФА Чемпиондар лигасының негізгі кезеңіне жолдама алды. Іріктеу кезеңдерінде « «Олимпия», «КУПС», «Слован» және «Селтик» клубатрын жеңді.

ЦИТАТА:

Рафаэль Уразбахтин, "Қайрат" клубының бас бапкері

Жеребе қорытынысы көңілімнен шықты. Кәрі Құрлықтың небір мықты командаларымен кездесеміз. Әрине, біздің әлеуметіміз төмен көрінеді. Десе де, аладоп аламанында бәрі де мүмкін. Әсіресе, өз алаңымызда өтетін кездесулерде сенсациялық нәтижелер тіркеуге тырысамыз. Өйткені, бұл жерде қалың жанкүйеріміз бар. Бұған қоса матчтар өтетін уақыт пен сол кездегі ауа райының да ықпалы болады.

Ернұр Батырғали — әлем чемпионы

Болгарияның София қаласында дзюдодан жасөспірімдер арасындағы дүниежүзілік дода жалғасып жатыр. Жарыстың кезекті күні қоржынымызға алтын медаль түсті. Оны 60 келіге дейінгілер арасында Ернұр Батырғали жеңіп алды. Ол іріктеу кезеңдерін сәтті өткізіп, барлық қарсыласын айқын басымдықпен ұтты. Ал финалда Тәжікстан өкілі Лоик Кудбудиновты жеңді. Айта кету керек, бұл ұлттық құрама қоржынындағы алғашқы алтын. Бұған қоса, бір күміс пен екі қола жүлдеміз бар. Күмісті 66 келіде Мұхамедәлі Жылқайдар, қоланы 50 келіде Арман Мыса және 66 келіде Ролан Қайырғали иеленді. Әлем чемпионаты әлі де жалғасады және қазақстандық қыз-жігіттер тағы да жеңіс тұғырына көтеріледі деп үміттенеміз. Байрақты бәсекеге бас-аяғы 20 спортшымыз аттанды. Оның 10-ы ұлдар арасында, 10-ы қыздар арасында бақ сынайды. София қаласындағы әлем чемпионатының жалпы қорытындысы 1 қыркүйекте белгілі болады.

Қоржынымызда 59 медаль

Қоржымыздағы медальдар саны 59-ға жетті. Шымкент қаласында спорттық ату түрлерінен Азия чемпионаты жалғасып жатыр және кезекті жарыс күні қазақстандық спортшылар өте сәтті өнер көрсетті. Әсіресе Ислам Сәтпаев, Артём Сидельников, Артём Ревков, Фатима Ирназарова, Александра Сәдуақасова, Никита Моисеев сияқты ұлттық құрама өкілдері көк туымызды көтеріп, әнұранымызды шырқатты. Қазақстандық спортшылар жеңіп алған алтындар саны 18-ге жетті. Бұған қоса, 19 күміс және 22 қола жүлдеміз бар. Топ басында 82 медаль жеңіп алған Үндістан құрамасы тұр. Айта кету керек, биылғы Азия чемпионатына 27 елден 800-ге жуық қатысушы жиналды. Сәйкесінше бәсекелестік те өте жоғары. Олар екі негізгі бағыт бойынша, яғни стенд ату және оқпен ату бағыттары бойынша өзара мықтыны анықтап жатыр. Шымкент қаласындағы құрлықтық дода 30-тамызға дейін жалғасады.

Бекнұр Оңғар, ерікті:

- Өте көп сбор өтті. Тауда сбор өтті. Сосын барып оған дейін Алматыда сбор. Қатты дайындалдық бұл жарысқа. Өйткені бұл жарысқа 20-дан астам ел келген. Бірінші мақсатымыз өзімізді көрсету болды мировой аренада.