Қазақстандық теннисші Юлия Путинцева АҚШ-тың ашық чемпионатының үшінші кезеңіне өте алмады. Жарыс хард жабынды корттарда өтіп жатыр, деп хабарлайды Zakon.kz.
sportarena.kz мәліметінше, екінші айналымда Путинцева ресейлік Анна Калинскаяға 1:6, 5:7 есебімен жол берді. Кездесу 1 сағат 19 минутқа созылды. Бұған дейін қос теннисші кортта бірде-бір рет кездескен емес. Келесі кезеңде Калинская Сюзан Ламенс (Нидерланды) – Ига Швёнтек (Польша) жұбының жеңімпазымен ойнайды.
АҚШ-тың ашық чемпионаты 24 тамыз бен 6 қыркүйек аралығында өтуде. Турнирдің жалпы жүлде қоры – 90 миллион доллар. Қазіргі чемпион – беларусь спортшысы Арина Соболенко.
