Пәкістанда су тасқынына байланысты 200 мыңнан астам адам қауіпсіз жерлерге көшірілді.
Соңғы күндері толассыз жауған нөсер жауын мен Үндістандағы су қоймаларынан жіберілген су төтенше жағдайға себеп болған. Соның салдарынан Пенджаб провинциясындағы өзендер арнасынан асып, ондаған елді мекенді су басты. Құтқару жұмыстарына сарбаздар тартылды. Жалпы маусым айының соңынан бері елде су тасқынынан 800-ден астам адам көз жұмды. Тағы 150 тұрғын хабар-ошарсыз кеткен. Синоптиктердің болжамынша, алдағы күндері нөсер жаңбыр жалғасып, өңірдегі ахуал одан әрі күрделене түсуі мүмкін.
