Қазақстандық аралас жекпе-жек шебері Асу Алмабаевтың UFC-дегі келесі жекпе-жегі қашан және кімге қарсы өтетіні белгілі болды. Бұл туралы спортшының командасына сілтеме жасаған KAZ.NUR.KZ.
Асу Алмабаевтың келесі жекпе-жегі 21 қарашада Доха қаласында өтеді.
Қазақстандық спортшының қарсыласы UFC-дегі аса жеңіл салмақ рейтингісіндегі тоғызыншы тұрған америкалық файтер, бұрынғы UFC титулына үміткер Алекс Перес болды.
Алмабаевтың командасының хабарлауынша, америкалық спортшы Асуды өзі жекпе-жекке шақырған.
Айта кетейік, Асу Алмабаевтың соңғы жекпе-жегі 27 шілдеде Абу-Дабиде өткен UFC on ABC 9 турниры аясында өтті. Қазақстандық аралас жекпе-жек шебері перуандық Хосе Очоаны төрешілердің шешімімен жеңген болатын.
Мәтіннен қате тапсаңыз, бізге жазыңыз
