Мемлекетке 685,8 млн теңге материалдық шығын келген, деп хабарлайды inform.kz.
Аграрлық несие корпорациясы" АҚ-ның қызметіне жүргізілген кешенді тексеру нәтижесінде Шымкент қаласында жүзеге асқан "екі алма бағын салу" жобасы бойынша мемлекетке ірі көлемде материалдық шығын келтірілгені анықталды. Бұл жобаны қаржыландырған "Ауыл шаруашылығын қолдау қоры" АҚ басшылығы қызметтік өкілеттіктерін асыра пайдаланып, орындалмаған жұмыстарды қабылдаған.
Атап айтқанда, "Аграрлық несие корпорациясы" АҚ басқарма төрағасының бұрынғы орынбасары мен өнім беруші компания директоры Шымкенттегі алма бақтарының техникалық талаптарға және өндірістік көрсеткіштерге сай келмейтініне қарамастан, жобаны қабылдап алған. Сараптамалар мен мамандардың қорытындысы бойынша, мемлекетке келтірілген жалпы материалдық шығын көлемі 685,8 млн теңге болған.
Осы деректер бойынша қылмыстық іс қозғалды. Тергеу Шымкент қаласы бойынша экономикалық тергеп-тексеру департаментіне тапсырылды.
Шымкент қаласының қылмыстық істер жөніндегі ауданаралық соты үкім шығарып, бұрынғы орынбасар мен мердігерді кінәлі деп танып, олардың әрқайсысына 8 жыл мерзімге бас бостандығынан айыру жазасын тағайындады. Сонымен қатар, сот мүліктерін тәркілеу туралы шешім қабылдады.
Айта кету керек, үкім әлі заңды күшіне енген жоқ.
