Бұл туралы FlyArystan әуе компаниясы хабарлайды, деп жазады inbusiness .kz сайты.
– 2025 жылғы 1 қазаннан бастап 21 жасқа толмаған жолаушыларға ата-анасының немесе жақын туысынсыз Шарм-эль-Шейхке баруға тыйым салынады, – делінген хабарламада.
Егер сапарға ата-әжесі, 21 жастан асқан ағасы не әпкесімен барса, нотариалды расталған сенімхат талап етіледі. Сенімхат орыс тілінде қабылданады. Сонымен қатар, өзімен бірге төлқұжат пен туу туралы куәлік болуы тиіс.
FlyArystan чартерлік рейстерінің жолаушыларына, туристік пакетпен саяхаттайтындарға (яғни қонақүйді қоса қамтитын) қосымша талаптар немесе өзгерістер енгізілмейді. Барлық сапар әдеттегі тәртіппен – визасыз жүзеге асырылады.
