Бұл шара қызмет сапасын арттырып, музей кеңістігін барынша қолайлы ету мақсатында жүзеге асырылып жатыр .
Алматыдағы Қастеев музейі желтоқсан айына дейін уақытша жабылады. Бұл туралы Ұлттық өнер музейінің баспасөз қызметі хабарлады.
Баспасөз қызметінің мәліметінше, Әбілхан Қастеев атындағы Қазақстан Республикасының Ұлттық өнер музейі жөндеу жұмыстарына байланысты желтоқсан айына дейін уақытша жабық болады.
"Бұл шара сіздерге көрсетілетін қызмет сапасын арттырып, музей кеңістігін барынша қолайлы ету мақсатында жүзеге асырылып жатыр. Әрдайым қолдау білдіріп, түсіністік танытқандарыңыз үшін алғыс айтамыз. Келтірілген қолайсыздықтар үшін кешірім сұраймыз", – делінген хабарламада.
Оқи отырыңыз: Алматыда су құбыры желілерін қайта құруға байланысты су беру уақытша тоқтатылады
