Қазақстандық танымал актёр Данияр Әлшінов сүйіктісі Ажар Күнболатпен заңды түрде некесін қидырды. Бұл туралы KAZ.NUR.KZ хабарлайды.
Бұл қуанышты жаңалықты өнер иесінің өзі Instagram-дағы парақшасында жария етті. Жас жұбайлар некесін қидырған сәтінен видео жариялап, оқырмандарын қуантты. Бейнежазбада ғашықтардың АХАТ бөліміне барып, неке куәлігін алып жатқанын көруге болады.
"Бүгін біз ресми түрде ерлі-зайыпты атандық", — деп жазды Данияр Әлшінов.
Желі қолданушылары қос ғашық үшін қуанып, оларға ақ тілегін жаудырды.
"Бақытты болыңдар", "Елдің бәрі сендерді үйленіп алды деп ойлап жүр", "Қандай әдемі жұп. Махаббаттарың баянды болсын", "Мен көрген ең керемет некелесу", "Қандай ел қызығар ерлі-зайыпты", "Көз тимесін. Бақытты сәттерің көп болғай", — деп жазуда көпшілік.
Мәтіннен қате тапсаңыз, бізге жазыңыз
