Атырау облысында Конституция күніне орай 27 мың азаматқа әлеуметтік көмек беріледі, деп хабарлайды Өңірлік коммуникациялар қызметіне сілтеме жасаған KAZ.NUR.KZ.
Жұмыспен қамтуды үйлестіру және әлеуметтік бағдарламалар басқармасының бас маманы Жаңылсын Сейдалиеваның айтуынша, Конституция күніне орай аймақта барлық топтағы мүгедектігі бар азаматтарға 50 мың теңге көлемінде біржолғы әлеуметтік көмек беріледі.
Ол облыста алты мерекеге орай жекелеген санатқа жататын тұрғындарға түрлі көлемде біржолғы әлеуметтік төлемдер берілетінін атап өтті.
"Атап айтқанда, 1 мамыр – Қазақстан халқының бірлігі күні, 7 мамыр – Отан қорғаушылар күні, 9 мамыр – Жеңіс күні, 30 тамыз – Конституция күні, 25 қазан – Республика күні және 16 желтоқсан – Тәуелсіздік күніне орай облыс тұрғындарына әлеуметтік төлемдер жыл сайын беріледі", — деді Жаңылсын Сейдалиева.
Мәтіннен қате тапсаңыз, бізге жазыңыз
