Әнші Мөлдір Әуелбекова жолда баяу жүретін көлік жүргізушілеріне ренішін білдірді, деп жазады Skifnews.kz ақпарат порталы.
Айтуынша, олар шаруасымен асығып бара жатқан адамдарға кедергі жасайды.
«Құрметті жүргізушілер! Сол жақ жолаққа шығып алып, 40/50 жылдамдықпен жүруді қойыңыздаршы. Ол үшін оң жолақ бар. Сіз жайбарақат, жайылып жүргенде, ел асығыс: жұмысқа, ауруханаға, әуежайға кешігіп жатуы мүмкін. Оң жаққа шық та, керек десең, 20-мен жүр. Бірақ сол жолақты босатшы, өтініш! Эгоист болмайық! Жол бәріне ортақ!», – деп жазды әнші.