Туыстары оны 18 тамыздан бері іздестіріп жатыр.
Ақтау қаласының 20 жастағы тұрғыны Данияр Жақсылық Грузияда із-түссіз жоғалып кетті, деп жазады inbusiness.kz сайты Lada басылымына сілтеме жасап.
Маңғыстаулық басылым мәліметінше, Жақсылық Ақтаудан Тбилисиге түнгі рейспен ұшып барған. Оны соңғы мәрте әуежайды көрген. Шекарадан өткені тіркелген. Бірақ содан кейін онымен байланыс үзілген.
Жас жігіттің туыстары оны бір аптадан бері іздестіріп жатыр. Оларға "Lider.kz" іздестіру тобының еріктілері де қосылды.
Ерекшеліктері: бойы 175 см, орташа денелі.
"Данияр Жақсылықты көрген немесе қайда жүргенін білетін адамдар болса, +7 (700) 499-7292 немесе 102 нөмірлеріне хабарлассын", – деп жазды еріктілер.
