Астанада автобус жол апатына ұшырап, оқиға орнынан 14 адам ауруханаға жеткізілген, деп хабарлайды елорданың қоғамдық денсаулық сақтау басқармасына сілтеме жасаған KAZ. NUR.KZ.
"Қабанбай батыр көшесінде болған жол-көлік оқиғасы салдарынан 14 адам жедел жәрдем арқылы қалалық көпсалалы стационарларға, сондай-ақ Ұлттық шұғыл медицина үйлестіру орталығына жеткізілді", — делінген хабарламада.
Денсаулық сақтау басқармасының мәліметінше, қабылдау бөлімінде барлық зардап шегуші салалық мамандардың тексеруінен өткен.
Нәтижесінде олардың бірқатары амбулаторлық емдеуге жіберілсе, ал қалғандары қосымша тексеруден өтіп жатыр. Зардап шеккендердің басым бөлігі жеңіл жарақат алған.
Мәтіннен қате тапсаңыз, бізге жазыңыз
