Денсаулық сақтау министрі Ақмарал Әлназарова Үржар ауданында болған қайғылы оқиғадан зардап шеккен балалардың жай-күйін біліп қайтты, деп хабарлайды KAZ.NUR.KZ елордадағы №2 көпбейінді қалалық балалар ауруханасының баспасөз қызметіне сілтеме жасап.
Аурухананың Instagram желісіндегі парақшасында Денсаулық сақтау министрі Ақмарал Әлназарованың ауруханада жатқан екі баланың жағдайын білуге келгені хабарланды.
"Бүгін Денсаулық сақтау министрі Ақмарал Әлназарова және Астана қаласының Қоғамдық денсаулық сақтау басқармасының басшысы Әлия Шайзадақызы Рүстемова Үржарда болған қайғылы оқиғадан зардап шеккен балалардың жай-күйін білу үшін келді.
Сапар барысында олар балалардың анасымен әңгімелесті. Барлық қажетті медициналық көмектің толық көлемде көрсетіліп жатқанын айтып, қолдау білдірді", — делінген хабарламада.
Аурухана қызметкерлері балалардың өмірін құтқару үшін қолдан келгеннің бәрін жасап жатқанын айтты.
Посмотреть эту публикацию в Instagram
Публикация от «№2 Көпбейінді қалалық балалар ауруханасы», Астана қаласы (@qkba2astana)
Мәтіннен қате тапсаңыз, бізге жазыңыз
