ҰҚК Астана, Шымкент қалалары мен еліміздің бірқатар облысында заңсыз айналымдағы қару және оқ-дәрілер тәркілегенін мәлімдеді. Қазіргі уақытта жедел-тергеу іс-шаралары жүргізіліп жатыр, деп хабарлайды ведомствоға сілтеме жасаған KAZ.NUR.KZ.
ҰҚК 2025 жылғы тамыздан бастап полиция органдарымен бірлесіп, прокуратураның үйлестіруімен Астана, Шымкент қалаларында, Атырау, Жамбыл, Қарағанды, Павлодар, Солтүстік Қазақстан және Ұлытау облыстарында заңсыз айналымдағы, оның ішінде "қаңтар оқиғалары" кезінде ұрланған қаруды іздеу және тәркілеу бойынша бірқатар жедел-іздестіру іс-шарасын жүргізген.
Іс-шара барысында 12 Калашников автоматы, 6 тапанша, 15 мылтық, 3 граната және 500 бірліктен астам оқ-дәрі алынған.
"Көрсетілген фактілер бойынша жедел-тергеу іс-шаралары жүргізілуде. Бұл бағыттағы жұмыс жалғасуда", — делінген хабарламада.
Мәтіннен қате тапсаңыз, бізге жазыңыз
