"Қайрат" ФК ресми өкілдері "Селтикпен" болатын ойын алдында баспасөз-мәслихатына қатысты.
"Қайрат" пен "Селтик" арасындағы матч қарсаңында Глазгоға жұмыс сапарымен барып, бас бапкер Рафаэль Уразбахтинге бірқатар сауалдар жолдадық.
- Қайрат Советайұлы Боранбаев "Қайрат" командасын өз күшімен аяққа тұрғызып келеді. Клуб президенті команданың жайлы жағдайда жаттығуы үшін Академияда тұрғызып берді. Ендігі кезекте өздеріңіз командамен бірге Чемпиондар Лигасының топтық кезеңіне шығып, Қайрат Боранбаевты қуанышты жаңалықпен төбесін көкке жеткізу ойларыңызда бар ма?
- Әрине, клуб басшысын жақсы нәтижемен қуантқымыз келеді. Жігіттердің өзі осыны қалауда. Сәтін салып жеңіске жетсек, тек Қайрат Боранбаевты ғана емес барша қазақстандықтардың көңілін көтеретін мүмкіндік туады. Мүмкін осы кездесулерден кейін елімізде футболды дамытудың жаңа серпіні пайда болар. Ал біз соған себепкер болып қалармыз!
- "Қайраттың" соңғы жетістіктеріне байланысты барша қазақ футболы бірігіп, барынша қолдау көрсетуде. Өзіңіздің мамандық бойынша әріптестеріңіз матч алдында сәттілік тілеп, клубтың жағдайына байланысты алаңдаушылық білдіріп жатыр ма?
- Осы баспасөз-мәслихаты алдында маған Самат Смақов хабарласты. Ол команданың ойынға дайындығын сұрады. Одан тағысы, Олимпиада чемпионы Евгений Яровенкода менімен үнемі байланыста. Вахид Юнусұлы Масудовта матч алдында пайдалы кеңестерімен бөлісуде. Еурокубоктік ойындардың арқасында барша футбол азаматтары біріктік. Бүгінгі күннің өзінде маған және командаға сәттілік тілеп жатқандардың қарасы үзілмей жатыр.
- Дамир Қасаболат пен Әділет Садыбековтың келер маусымда Дастан Сатпаев ізімен шетелдік ұжымдарға ауысатын мүмкіндігі бар ма?
- Жас ойыншы үшін мүмкіндік ылғида бар. Шетелдік командалардың қызығушылығын арттыру ойыншының тікелей өзіңе байланысты. Әрине, бапкер ретінде бізде потенциалы жоғары ойыншыны қосалқы құрамда тұсап ұстап отырмаймыз. Еурокубоктік ойындардың өзінде командадағы жас футболшыларға барынша мүмкіндік беріп келеміз. Чемпиондар Лигасының өзі біздің қазақстандық ойыншылардың жарнамасын жүргізу үшін тиімді. Шетелдік командаға "Қайрат" сапынан ойыншылар кетіп жатса, қалайша қуанбай отырамыз.
