БАӘ-де ауа температурасы мамыр айында метеорологиялық бақылаулардың бүкіл кезеңінде екінші күн қатарынан рекордтық деңгейге жетіп, тұрғындарды сақ болуға шақырып жатыр, деп жазады inbusiness.kz сайты.
Елдің шығысында орналасқан Свейхан аймағында ауа температурасы Цельсий бойынша 51,6 градусқа дейін көтерілсе, бір күн бұрын Абу-Дабиде 50,4 градус ыстық болып, мамыр айындағы рекорд тіркелді.
Бұл туралы БАӘ Ұлттық метеорологиялық орталығы хабарлады.
"Бүгін елде тіркелген ең жоғары температура Свейханда жергілікті уақыт бойынша 13:45-те 51,6 градус Цельсийге жетті", делінген орталықтың X-тегі парақшасында.
2010 жылы Әл-Ясат аралында тіркелген БАӘ тарихындағы абсолютті температура рекорды небәрі 0,4 градусқа ғана аз болды.
Аймақта биыл аптап ыстық жылдағыдан ерте басталды. Ұлттық метеорология орталығының хабарлауынша, сәуір айындағы орташа максималды температура рекордтық көрсеткіш – 42,6 градусқа жетті. Бұл БАӘ билігі денсаулыққа ескерту жасап, адамдарды күннің ыстығында ашық ауада физикалық белсенділіктен аулақ болуға шақырды.
