Денсаулық сақтау министрлігінің мәліметінше, ұшақ бортында реаниматолог, нейрохирург және травматологтан құралған арнайы медициналық бригада болған.
Қайғылы оқиға Бестерек ауылында тіркелген, деп жазады inbusiness.kz сайты.
Алдын ала деректерге сәйкес, 55 жастағы Toyota жүргізушісі рөлге ие бола алмай, үй қақпасының маңында тұрған кәмелетке толмаған балаларды қағып кеткен.
Полицияның хабарлауынша, жол апаты салдарынан екі бала оқиға орнында қаза тапқан, тағы біреуі ауруханаға жеткізу кезінде көз жұмған. Үш жасөспірім түрлі жарақаттармен ауруханаға түсті.
Жүргізуші ұсталып, уақытша ұстау изоляторына қамауға алынды. Сараптама оның апат кезінде мас болмағанын анықтады.
