Куәгерлердің айтуынша, алдымен ер адам мен әйел арасында жанжал шыққан.
Оралда MyFest фестиваліне қатысушыларды тасымалдап жүрген автобустың ішінде жаппай төбелес орын алды, деп жазады inbusiness.kz сайты.
Әрі қарай даудың бір сәтінде олардың бірі салонда отырған жігітке бұрыш баллонын шашып жіберген. Соның салдарынан жәбірленуші екі көзінен күйік жарақатын алған.
Бұл жағдайға басқа жолаушылар араласып, кикілжің жаппай төбелеске ұласқан. Оқиға кезінде салон ішінде кейбір адамдар ән айтып отырғаны да белгілі болды.
Батыс Қазақстан облыстық полиция департаментінің мәліметінше, төбелеске қатысқандардың барлығы анықталған. Олардың біреуі уақытша ұстау изоляторына қамалған.
– Қазіргі таңда оқиғаның барлық мән-жайы анықталып жатыр. Тергеу қорытындысына сәйкес кінәлілер заң алдында жауап береді, – делінген ведомство хабарламасында.
