25 мамырда сағат 07:40-та ҚР ТЖМ "Ұлттық сейсмологиялық зерттеулер және ақпарат ғылыми орталығы" ЖШС диспетчеріне Шығыс Қазақстан облысы аумағындағы жер сілкінісі болғандығы туралы ауызша ақпарат келіп түсті, деп хабарлайды Zakon.kz.
Жер сілкінісінің ошағы Алматы қаласынан солтүстік-шығысқа қарай 1162 шақырымда Ресей территориясында орналасқан.
Еліміздің ТЖМ деректері бойынша, елімізде сезілген жер сілкінісі тербелісінің қарқыны:
- Өскемен-2 балл;
- Катонқарағай — 2 балл.
"Қирандылар мен зардап шеккендер жоқ", делінген хабарламада.
Айта кетсек, 24 мамырда Алматыдан 434 шақырым қашықтықта да жер сілкінісі болды.
