Ресей және АҚШ президенттері Владимир Путин мен Дональд Трамптың кездесуі Анкоридж қаласында басталды.
Бұған дейін Ресей президентінің баспасөз хатшысы Дмитрий Песков, кездесуге мемлекет басшыларының көмекшілері де қатысатынын мәлімдеген.
Кездесуге Ресей тарапынан президенттің көмекшісі Юрий Ушаков пен Ресей Сыртқы істер министрі Сергей Лавров қатысуда.
Екіжақты кездесуден кейін келіссөздер делегациялар форматында жалғасады. Ресей тарапынан келіссөздерге Сыртқы істер министрі Сергей Лавров, президенттің көмекшісі Юрий Ушаков, Қорғаныс министрі Андрей Белоусов, Қаржы министрі Антон Силуанов және президенттің шетел елдерімен инвестициялық-экономикалық ынтымақтастық жөніндегі арнайы өкілі Кирилл Дмитриев қатысады. Ақ үйдің баспасөз пулының дерегінше, АҚШ президентінің делегация құрамына мемлекеттік хатшы Марко Рубио, Қаржы министрі Скот Бессент, Сауда министрі Говард Латник және Орталық барлау басқармасының (ЦРУ) директоры Джон Рэтклифф және тағы 16 адам кірген.
Келіссөздер қорытындысы бойынша Путин мен Трамп бірлескен баспасөз мәслихатын өткізеді.
Песковтың айтуынша, жалпы алғанда келіссөздер 6-7 сағатқа созылуы мүмкін.
