Елімізде 2025-2026 оқу жылына арналған оқу мерзімі, оқушылардың каникул кестесі және қорытынды аттестация уақыты белгіленді.
Құжатқа сәйкес, оқу жылы 2025 жылдың 1 қыркүйегінде басталып, 2026 жылдың 25 мамырында аяқталады, деп хабарлайды inbusiness.kz сайты.
1-11 (12) сыныптар үшін оқу тоқсандары мен каникул мерзімі мынадай:
1-тоқсан – 8 апта, күзгі каникул уақыты: 2025 жылдың 27 қазаны мен 2 қарашасы аралығында;
2-тоқсан – 8 апта, қысқы каникул: 2025 жылғы 29 желтоқсан – 2026 жылғы 7 қаңтар;
3-тоқсан – 10 апта, көктемгі каникул: 2026 жылдың 19-29 наурызы;
1-сынып оқушыларына қосымша каникул: 2026 жылдың 9-15 ақпаны;
4-тоқсан – 8 апта.
Қорытынды аттестация мерзімі:
9 (10) сыныптар – 2026 жылдың 29 мамыры мен 11 маусымы аралығы;
11 (12) сыныптар – 2026 жыл, 2-15 маусым.
9 (10) сыныптар үшін емтихан кестесі:
Математика (алгебра) – 29 мамыр;
Таңдау пәні – 3 маусым;
Қазақ/орыс/ана тілі (эссе немесе жазба жұмыс) – 8 маусым;
Қазақ тілі мен әдебиеті немесе орыс тілі мен әдебиеті (оқыту тіліне байланысты) – 11 маусым.
11 (12) сыныптар үшін:
Қазақстан тарихы (ауызша) – 2 маусым;
Алгебра және анализ бастамалары – 5 маусым;
Қазақ/орыс/ана тілі – 9 маусым;
Таңдау пәні – 12 маусым;
Қазақ тілі мен әдебиеті немесе орыс тілі мен әдебиеті – 15 маусым.
Бекітілген бұйрық 2025 жылдың 24 тамызынан бастап күшіне енеді.
