АҚШ президенті қаладағы қылмыспен күресуге тас-түйін дайын отыр.
BBC-дің жазуынша, үйі жоқтар Вашингтоннан тез арада кетуі керек, деп хабарлайды inbusiness.kz сайты.
Еске салайық, бір ай бұрын Трамп үйсіз адамдарды қамауға алуды жеңілдететін бұйрыққа қол қойған болатын. Мұнымен қоса ол федералды агенттерді Вашингтонға "толық бақылаудан тыс" қылмыспен күресу үшін жіберуді бұйырған.
– Үйсіздер тез арада қаладан кетуі керек! Тұрғын жаймен өзіміз қамтамасыз етеміз, бірақ ол жер ел астанасынан алыс жерде орналасқан. Қылмыскерлерге қаладан кетудің қажеті жоқ. Біз оларды түрменің түбінде шірітеміз, – деді АҚШ президенті жазбасында.
BBC агенттігі Трамптың жоспарына нақты тоқталған жоқ. Бірақ, Америка президенті 2022 жылы үйсіз адамдарды қала сыртына көшіріп, оларды медициналық көмекпен қамтамасыз еткен-ді.
– Бізде 2023 жылы қылмыстың күрт өсуі байқалды. Қазір 2023 жыл емес. Кейінгі екі жылда біз қаладағы зорлық-зомбылық қылмысын бұған дейінгі 30 жылдағы ең төменгі деңгейге дейін төмендету үшін жұмыс істедік, – деді Вашингтон мэрі Мюриэль Баузер MSNBC-ге берген сұхбатында.
