ҚМА Шығыс Қазақстан облысы бойынша департаменті 9 млрд теңгеден аса сомаға электр энергиясын заңсыз сату дерегін анықтады, — деп хабарлайды Massaget .kz тілшісі.
Қолданыстағы заңнамаға сәйкес майнинг кәсіпорындарына электр энергиясы тек бірыңғай мемлекеттік сатып алушы арқылы және 1 мегаватт-сағаттан аспайтын көлемде ғана сатылуға тиіс. Алайда бірқатар энергиямен жабдықтаушы компания екі жыл қатарынан халыққа, әлеуметтік нысандар мен стратегиялық маңызы бар кәсіпорындарға арналған электр энергиясымен майнинг кәсіпорындарын заңсыз түрде қамтамасыз етіп келген.
"Жалпы қолды болған электр энергиясының көлемі 50 мегаватт-сағаттан асады. Бұл — 50–70 мың халқы бар қаланың энергия тұтынуымен тең көрсеткіш. Қылмыстық жолмен алынған табысқа ұйымдастырушы елордадан 2 пәтер және 4 көлік сатып алған. Олар сот санкциясымен бұғатталды. Тергеп-тексеру жалғасып жатыр", — деп жазылған хабарламада.
Өзекті жаңалықтарды өз уақытында оқу үшін Facebook парақшамызға жазылыңыз!
